دورات تدريبية فى مهارات وفنون التعامل فى المقابلات الشخصية لشركات الادوية - سيريا فيت - الطب البيطري

د/عمرو · #1 04-10-2006, 10:33 مساء

بسم اله الرحمن الرحيم
________________
اخوانى الاعزاء انا اريد ان اتعلم واعلم حتى نستفيد جميعا انشاء الله بالعلم .
انا اسمى د/عمرو محمود متخرج من كلية طب بيطري اسماعيلية 2005 وبشتغل فى مجال الادوية واتمنى انى اقدر افيد اى حد فى هذا المجال وانا بدخل المنتدى بردة علشان الطب البيطري هى المهنة الاساسية ولازم ارجعلها لكن شغل شركات الادوية ما هو الا بناء للنفس وكل من بمصر يعرف هذا
من يريد المشاركة يدلى بصوتة حتى اخر الاسبوع وسنبدا باذنالله تعالى
وشكرا جزيلا لمن ساعد فى بناء هذا الموقع العظيم

د/عمرو · #2 04-10-2006, 10:35 مساء

اوك يا جماعة مستعدين نبدأ ياريت نلاقى ناس اكتر لكن مش مهم هنبدأ بأذن الله

الاول عايزين تكون الدورة عن طريق بردة اسئلة علشان نستفيد اكتر
اوكى

الجزء الاول :
________

اول جزء فى مجال شركة الادوية هو ال interview وطبعا دة جزء مهم جداا فى تحديد شخصيتك امام المشرفين والمديرين فى الشركة.

عايزين يا جماعة اننا فى المقابلة نكون هاديين جداا وناخد الموضع بسهولة جدااا وما نخافش منها خصوصا واننا كاطباء بيطريين دخلنا شفوى كتير

واتعودنا على كدة طبعا.

طبعا لازم نروح بمنظر يكون كويس وطبعا سيد اللبس فى شركات الادوية هو الكلاسيك مش لازم يعني بدلة بس يكون لبس كلاسيك .

دايما تخيل ان اللى قدامك دول اصحابك ومترتبكش واتكلم براحتك جداا بس حاول بقدر الامكان ان يكون معظم كلامك بالانجليزى لو تقدر لانة اكيد

هيطلب منك انك تتكلم عن نفسك بالانجليزى عن سيرتك الذاتية عموما اسمك وسنك وتاريخ ميلادك ومكان الميلاد ومتخرج من اى كلية واى جامعة

كلة دة يا جماعة بيكون على شكل حوار مش نقول الاسم كذ والسن كذا والميلاد كذا زى الورق لاء بيبقى حوار فمثلا لو حاولت اتكلم عن نفسى هقول

my name is amr mahmoud ahmed have 23 years old i was born in 25/3/1983 in cairo & graduated from fuculty of vet medicine in issmaiillia

suez canal univercity

i have agood command of english & agood skills in computer specially office & having driving license

my millatery service satus is exumpted & i dont work in the field of med rep but i have experiance in the feild of pharmacy as i wor in human

pharmacy from..............to ..................&aslo work in vet clinc from ...................till now
.
ومش هقول : my name is amr >>age 23>>place of birth cairo>>fuculty vet med>>milatery service exumpted>> skills comp,,driving licens,,good comand of english

طبعا لما بيكون حوار احسن من انك كأنك بتتكلم من ورقة بمعني اصح عبر عن نفسك

دة مثل بسيط عن السيرة الذاتية طبعا دة مش حاجة تتحفظ دة والله كتبتة من دماغى دلوقتى بص اللى جواك طلعة بس اهم حاجة بصورة منسقة وطريقة

مفهومة وحاول دايما ان كلامك يكون لا سريع ولا بطىء ويكون مفهوم واهم حاجة ان صوتك يكون عالى بحيث يسمع كل اللى موجود كلامك بوضوح

ولعلمكم الكلام دة والله مهم جداا ودةمن الحاجات الاساسية اللى بيخاتر على اساسة المندوب هو انك تقدر تعبر عن نفسك بطريقة مفهومة وبدون

ارتباك وان كل اللى حواليك يسمعوك كويس وبوضوح ..

وحاول دايما انك تكون مبتسم وهزر عادر بس فى الحدود طبعا بحيث انك ما تكونش خجول ومكسوف ومبتتكلمش لان دة طبعا ما بينفعش..

دة جزء السيرة الذاتية واول المقابلة نكتفى بكدة واستنى ردودكم عن اللى اتكتب واى استفسار بحيث اول ما استقبل الردود نبدأ فى باقى المقابلة

وربنا يوفقنا انشاء الله وينفعنا بما علمنا .... اللهم ان نعوذ بك من علم لا ينفع وقلب لا يخشع ودعاء لا يستجاب امين امين يا رب العالمين.

د/عمرو · #3 04-10-2006, 10:36 مساء

على العموم احنا كأطباء بيطريين بيكون ال medical bakgroundلينا كويسة علشان كدة ما نخافش من مضوع الاسئلة العلميةلاننا مش محتاجين الكلام دة لو واحد فى علوم

هو اللى يخاف منة لانة ما درسوش لكن احنا مش محتاجين لاننا اخدنا ما فية الكفااااااااااااااااية,,,,,,,,,,,

كل الحوار والاسئلة تعتبر تقيم شخصى ليك ,, بمعنى اصح بيعرف شخصيتك كويس ,, انت انسان :طموح,خجول ولا جرىء,مقنع ولا لاء,,واثق من نفسك ولا لاء,, كل دة

من الحاجات المهمة اللى بيتقيم على اساسها الشخص,,,,,,,,,,

يعني بسأللك مثلا لية ما اشتغلتش فى المجال البيطرى؟؟ لية عايز تشتغل فى شركة ادوية؟؟ هل انت ناوى تستمر فى المجال دة؟؟ ومن الاسئلة اللى بيعوز انة يعرف

مدى ذكائك وحسن تصرفك بيقوللك تقدر تعملى تسويق للقلم دة مثلا او الساعة دى او الكراسة دى......................

هنا بيبان قرتك على الاقناع وقدرتك على الخروج من المواقف المحرجة على ما اعتقد .. مثلا يديك قلم رصاص ويقوللك انا زبون وحاول تقنعنى بشراء القلم فهتعمل اية؟؟

تيجي مثلا تكلمة يقوللك يا راجل فى واحد كبير يحب يستخدم القلم الرصاص ......تبدا انت مهمتك فى اقناعة

مثلا تقولة حضرتكالقلم الرصاص بينفع فى المسودات سهل انك تمسحة عمرة ما يبهدل الجيب مفيش غنى عنة فى مواضيع الرسم حاجات زى كدة مثلا يقوللك

سعرة غالى تقول لة لا ابداا دة اقتصدى جدااا وبلاش نقول كلم رخيص لانها مش حلوة ولو اشتغلتوا فى شركة هتعرفوا لية.. المهم دى كلها امثلة للاقناع....

بعد كدة هندخل انشاء الله على الجزء ال3 والاخير من المقابلة وهو كيفية انهم بيحاولوا يشوفوا انك هتستقر مع الشركة ولا لاء.

اللهم انفعنا بما علمتنا ونعوذ بك من علم لا ينفع وقلب لا يخشع ودعاء لا يستجاب

واستودعكم الله

د/عمرو · #4 04-10-2006, 10:37 مساء

اهلا بكم اخوانى واخواتى من جديد...............
طبعا من الاشياء المهمة بالنسبة للشركة هو معرفة مدى استقرار الدكتور فيها لان الشركة بتتمنى ان المندوب يفضل معاها على طول بس طبعا يكون شغال مش نايم.......
المهم هو انك لما تشتغل فى شركة وتكون activeبيتمسكوا بيك لانك لو مشيت المنطقة طبعا هتحتاج لواحد غيرك وعقبال ما يبدؤا انترفيو ويقبلوا واحد ويعملولوا تدريب على الاقل شهر ويبدأ ينزل الareaولسة هيعمل مسح للareaفى الفترة دى اللى اقل شىء بيوصل مدتها ل3 شهور المنطقة طبعا بتوقع من الشركة وبتقل المبيعات وبتاخد فترة عقبال ما تقوم المنطقة دى.... غير كدة مش عارفين اللى جاى دة اكتف ولا لاء فالمهم عند الشركة الاستقرار فبيبدؤا يسألوا ويحوموا حول الموضوع دة فى الانترفيو .....
يعنى بيسألك مثلا : لو جالك عرض تانى فى شركة تانية بمرتب اكبر من هنا هتوافق علية ولا لاء؟؟؟؟؟؟؟؟؟
لو جاتلك سفرية لدولة من دول الخليج هتسافر ولا لاء؟؟؟؟؟؟؟؟؟؟
اتعرض عليك تشتغل فى الشركة الفلانية ؟؟؟؟
يعني اسألة من هذا القبيل
ياترى ردكم هيبقى ايييييييييييية؟؟؟؟؟؟؟؟؟؟؟؟؟؟؟؟

هو دة السؤال اللى بسألهلكم ومستنى ردودكم

اللهم انا نعوذ بك من علم لا ينفع وقلب لا يخشع ودعاء لا يستجاب

د/عمرو · #5 04-10-2006, 10:38 مساء

الرد اللى بحبة انى اقول: من المنطقى ان كل انسان بيسعى للمكانة الافضل والدرجة الاعلى وزيادة الدخل لكن من الاشياء المهمة طبعا الراحة النفسية مع الteam work,والقدرة على انجاز شىء فى الشركة وكمان المقابل المادى كويس والزيادة دى مش الواحد اللى يفكر انة يسيب الاستقرار علشانها اما بالنسبة للسفر انا مش حاطط الموضوع دة فى دماغى لانى مش بحب الغربة وانا مرتبى هنا فى مصر كويس ومهما كان المرتب برة شوف هيتصرف منة قد اية وفى الاخر هتلاقية بردة اعلى من هنا بس بحاجات بسيطة اللى بيسموها ثمن الغربة لكن بردة مش هنكر ان كل واحد بيتمنى انه يكبر ودة حق مشروع للكل وحتى لحضرتك كsupervisorلو اتعرض عليك العرض دة هيكون رايك اية

د/عمرو · #6 04-10-2006, 10:39 مساء

الرد اللى بحبة انى اقول: من المنطقى ان كل انسان بيسعى للمكانة الافضل والدرجة الاعلى وزيادة الدخل لكن من الاشياء المهمة طبعا الراحة النفسية مع الteam work,والقدرة على انجاز شىء فى الشركة وكمان المقابل المادى كويس والزيادة دى مش الواحد اللى يفكر انة يسيب الاستقرار علشانها اما بالنسبة للسفر انا مش حاطط الموضوع دة فى دماغى لانى مش بحب الغربة وانا مرتبى هنا فى مصر كويس ومهما كان المرتب برة شوف هيتصرف منة قد اية وفى الاخر هتلاقية بردة اعلى من هنا بس بحاجات بسيطة اللى بيسموها ثمن الغربة لكن بردة مش هنكر ان كل واحد بيتمنى انه يكبر ودة حق مشروع للكل وحتى لحضرتك كsupervisorلو اتعرض عليك العرض دة هيكون رايك اية

د/عمرو · #7 04-10-2006, 10:40 مساء

بالنسبة لشركة الادوية البيطري :
اى شركة عموما سواء كانت بيطري او بشرى مش بتسأل فى مواضيع علمية علشان نبقى فاهمين الا قيل جداااااااا لكن مش بيعملولك امتحان شفوى زى اللى كنا

بنعانى منة فى الكلية والدكتور يوترنا .. ويا ترى بيدى 7 ولا 8 ولا 9 ولا الصفر عندة 5 ولا بيدى اصفار

انتى اكيد الشركة هتديكى تدريب على كل منتاجاتها ومش بتسألك عن حاجة فى الانترفيو .كل الفايدة من الانتر فيو هو معرفة شخصية وطبيعة الانسان اللى قدامة وهل

هو ينفع يشتغل فى مجال الدعاية الطبية ولا لاء...

بالنسبة لنظام الشغل انا بصراحة ما اشتغلتش فى مجال الادوية البيطرية لان نظامها مختلف عن شغل البشرى.

النظام اللى شغال فى شركات البيطري هو انك بتعملى الدعاية للدواء فى المعارض والمزارع ودى طبعا بتبقى مرهقة شوية لان كمان بتبقى فى موضوع انك بتعملى

order وكمان بتحصلية وبتدخل مواضيع الماليات فى الموضوع ولذلك بيبقى خنقة شوية...

ياريت لو فى اسئلة تانى انا تحت امرك.....وامر كل من فى المنتدى

د/عمرو · #8 04-10-2006, 10:41 مساء

بالنسبة للc.v
دة شكل من اشكالة

photo here

personal information:
***********************
name:
date of birth:
place of birth:
age:
adress;
telphone number:
mobile number:

meltery satus:
****************
for male only

certificates:
*************
have abechlor degree of vet medicine ............. university with ........ degree
also diploma in ....................

skills:
******
language:

mother language:arabic
2nd language: english good writen and spoken
other language: ..........

computer skills:
.................................................. ..]
driving licsanse:
واى شىء لو كان دورات او اى شاهادات تدريبية

experince:
************
اى خبرة فى اى مجال سواء كان اشتغلت بشركات او صيدليات او تدريب بشركات او صيدليات

ref avaliable up on request
بس دة شكل مبسط لل سيرة الذاتية
اما بالنسبة للشركات دى بتعلن كل يوم جمعة فى الاهرام او تعرفى ارقام الفاكسات وتبعتى من غير ما يطلبوا وهم لما بيطلبوا هيطلبوكى

وانا مستنى اى استفسارات

Dr.Rawad · #9 05-10-2006, 01:51 صباحاً

شكرا دكتور بالفعل معلومات قيمة وواقعية والكل منا بحاجة الها .. وبحاجة يكون جاهز قبل اي مقابلة
ومشروع عمل ... لأن هيك مقابلات بتكون ما بداية النجاح .. او بداية الفشل
بصراحة دكتور ما خليت النا اي مجال للأسئلة ... شكرا على المشاركة الحلوة

ملاك الانسانية · #10 06-10-2006, 11:06 صباحاً

شكرا ياد/عمرو بصراحة كان نفسى بعد التخرج اشتغل فى المجال ده بس للأسف معتقدش انى هانفع فيه اولا بسبب ال interviewانا طول عمرى بترعب من امتحانات الشفوى لدرجة انى عارفة الاجابة ومن الخوف مش باقولها 4 سنين ع الحال ده تعتقد انى هنفع ف الinterview
ثانيا حضرتك قلت انه مهم المظهر وانه يكون كلاسيك فهل حضرتك تعتقد ان الاسدال كلاسيك؟؟؟؟؟؟؟؟
ع ا لعموم والله بجد افدتنى واعطتنى فكرة كويسه عن المجال ده بس ربنا يسهل بس واخلص الكلية

د/عمرو · #11 07-10-2006, 12:57 مساء

العفو دكتور خالد دايما متابع معنا وربنا يوفقك معانا

شكرا الملاك الضائع بس عايز لقلك حاجة متقرريش انك مش هتنفعى من نفسك كدة انا بردة كنت بقول انها صعبة لكن الانسان بيكتشف فى نفسة حاجات كانت مستخبية محتاجة بس شوية تنمسة للمهارات

ثانيا موضوع الاسدال عادى لان فى بنات كتير فى شركات ادوية بتلبس اسدال

ولو اى استفسار تانى انا تحت امركم

المواضيع المميزة :
((( أرجو التثبيت ))) (( أطلس الدواجن كاملاً ))	أطلس مصور للامراض
عملية علاج المغص الناتج عن انسداد الأمعاءعند الخيل بالصور...........لاتفوتكم رائعة	حمى الحليب بالشرح............ مع الصور
الدليل الكامل لأمراض الأبقار الفيروسية	التهاب الصفائح الحساسة " موضوع مصور "
دعوة للانضمام لمجموعة تبادل المصطلحات الطبيه Medical Terms	هل أعجبك سيريا فيت اذا انت مطلوب للدخول هنا للأهمية