السلام عليكم بدي ناقش موضوع النجاح عل 60 طلاب السنة الاولى كتيير عم ينظلموا بهل النجاح طيب صار النجاح عل 60 بس ما لازم يصير العملي اقل الشي عل 35 لحتى الطالب يقدر بس يجيب علامات بالعملي لحتى يتامل شوي بالنظري مثلا الطالب الي عم ياخد 20 بالعملي عم يفوت عل النظري وبدو 40 علامة بس مشان ينجح وبدون اي معدل مع انو علامة 60 هي معدل بحد ذاته للسنوات السابقة هلأ هو هل النجاح لازم يصير هيك لانه الوظيفة بهل الايام بدها معدل اقل الشي 60 واللي معدله اقل ماعم يحقلوا يفوت عل المسابقة بس كمان كليتنا مو من هل الكليات اللي معدلاتها عالية رفقاتنا بباقي الكليات مثلا الاداب اللي رقمه 30 على دفعته عم يكون معدله بال70 بينما نحن يادوبه يوصل لل60 انا كتيير بعرف طلاب رسبوا هديك السنة مشان مادة وحدة كانت عل 56 او 58 طيب هدول ما لازم يتراعى موضوعن شوي
واخيرا الحمدلله اللي كنت من طلاب ال50 علامة

بالنسبة لموضوع العلامات هذا موضوع ارتأته رئاسة الجامعة من شان رفع مستوى العلمي للشهادة الجامعية .
اما موضوع الحل من شان الطلاب هي انه الدكاتره تساعدهم من خلال تسهيل نمط اسئلة الفحص .

__________________

الارتقاء بالعلم مو بالعلامة في ناس بتاخد علامات ومعدلها كتير عالي بس ما بتفهم مثل طلاب يمكن ياخدو بالخمسين بس بيفهموا اكتر
يعني علامة ال60 مو هي الي عم تحدد مستوى الطالب وخاصة انو فرعنا صحيح انو في عملي بس النظري للبصم اكتر مثلا في اشخاص ممكن يقرؤوا مقال علمي ويكتبوا عل الغايب بس مانن فهمانينه ..............
ولكن شكرا عل الرد

ما دامنا عم نحكي على كليتي العزيزة ( الحمد لله خلصت منها بس اشتقتلها!! ) فصار لازم إحكي
الحل أكيد يادكتور خالد مو بتسهيل نمط الاسئلة وأكيد مو بزيادة درجة العملي للـ35 او للـ 40
مثلا الدكتور كان عنا مثلا لا سمح الله سهل الاسئلة طلعت عندو نسبة نجاح كبيرة شطب نصها .....وهيك
أما اذا زادوا علامة العملي للـ 40 فإتأكدي انو في دكاترة عندك بالكلية ( مو الكل طبعا ) رح يعطو أكتر من نص الطلاب وعأبو جنب علامات بين الـ 20 والـ 15 وبالتالي الطالب ما بيكون استفاد شي بالنهاية بل بالعكس صار بدو 40 من 60 بالنظري لينجح بدل ما كانت 40 من 70

فبرأيي الشخصي وبعد تجربة 5 سنين بالكلية وتخرجي منها بالسلامة ...(*.*)
لازم لكل شي يقدمه الطالب علامة محددة لا يتدخل فيها أحد ..
مثلا حضور النظري أو العملي 10 درجات مستقلةتماما للحضور وفقط الحضور مو اذا حضر مابيزيدوا واذا غاب بينقصوا يعني اللي مو غايب ولا محاضرة إلأوا 10من 10 كاملة من دون ما يعمل شي تاني
عفرض العملي من 40 ....... 10 حضور متل ما اتفقنا......بقي 30
نقسم الباقي على مذاكرة من15 من 10 من 20 اللي بيحدده الدكتور بس من بكير مو عكيفه وقت صدور الدرجات...
بيضل 10 أو 15 درجة بيقدم فيها الطالب الإمتحان العملي النهائي....
وبالتالي بحسبة صغيرة لطالب عادي بيحصل على علامة 8 حضور + 10 من 15 مذاكرة + 10من 15 فحص نهائي = 28 درجة علامة الطالب المتوسط
وبالتالي بقي له 32 درجة من 60 للنجاح
وبترجع العملية :انو الطالب عأيام النجاح من 50 كان بدو 35 من 70 لينجح وهلأ تقريبا نفس النسبة
وبتكون تسهلت الأمور عالطالب وعالدكتور............

لازم طلاب النظام الجديد يتحركوا ويطالبوا بحقهن لأنو اذا بتضل الأمور هيك الله يكون بعونن....

__________________

الكلام يلي تفضلتي فيه زميلة رنا تحديد علامة النجاح والستين ... وانو في ناس فهمانة اكتر واكتر من اصحاب المعدلات
والكلية عنا البصم فيها مافي متله كلام منطقى وملموس
يعني لو انت بصيم ... انت شطور .. ورح تنح وبمعدلات .... ما مهم انت بتعرف تضرب ابرة او تخدر
او تعرف تشخص صح ... او تعرف تخيط جرح ... او يكون عند جرئة وقوة قلب انت تمارس حياة الطب البيطري




رئي حلو منك دكتور براء ... ولازم هيك يصير عنا بالكلية .... الحالة من سيئ لأسوء
والرسوب بالسنوات الأولى على ابو موزة .... ونادرا ما تلاقي طالب ما معاه ولا مادة حمل وناجح نجاح
نحن على ايام الخميسن المادة كانت تطالع روحنا لحتى تطلع بس يلي صاير انه كل دكتور بيتفنن بالاسئلة والامتحانات
وفي دكاترة ما بترد على كل التقسيمات .... وبتدخل بتقدم الفحص من 30 يعني اذا الله كان رضيان عليك بتنفد
واذا غير هيك .... يا صاحبي راحت عليك

وفي كمان موضوع مهم وهو سقف العلامة .....

يعني المادة عليها 3 دكاترة كل واحد مستلم علامة بالعملي بيكون حصته عشر علامات ..... وكل دكتور بيكون عامل سقف للعلامة .... يعني من 10 السقف بيكون 7 مثلا
بيعطيك سبعه اذا كنت فطحل ....
فبالتالي انت رايح عليك 9 علامات بدون ما تحكي ولا حرف بالفحص
فعمليا انت صرت بتقدم العملي من 21 وليس من 30
فما بالك لما بتلاقي على المادرة اربعة دكاترة ..... فشو رح يصير بالدنيا

واكتر شي بيحرق القلب لما مادة بترسب 49 من خمسين
او 59 من 60.... وقتها هون بتحس بالصواب وبتعرف قيمة العلامة

كيف الطالب بده ينجح ... كيف بده يزبط وضعه ...

والله اذا بدي احكي .... يمكن لبكرا ما بخلص كتابة في كتير شغلات ببالي .... بس يعني هلأ ما وقته

خليها لـ الله احسن شي

__________________

السلام عليكم
برأيي الحكي بهيك موضوع رح يكون ع الفاضي لأن ممكن يكون من 12 المستحيلات اعادة النظر فيه
خاصة مع زيادة عد الطلاب الجامعيين
ومتل ما تفضلتو رفع علامة النجاح 60 مو بالضرورة رفع المستوى العلمي لأن رفع المستوى العلمي بدو اكتر من هيك بكتير
بس انا برأيي اذا بدنا نحكي بموضوع العلامات لازم نحكي عن حالنا طلاب السنة 3+4+5 يلي صار نجاحنا من 50 بدل 48
بجوز في ناس ما حاسة بالفرق بس يلي بحس بالفرق يلي رسب السنة الماضية و هو عندو 3 مواد 49 ..........
بس دق المي وهي مي ........

متى اخلص المدرسة وادرس طب
بس مو طب بشري لأني ما احب اتعامل ويا اوادم

__________________

~~@# M!Ss Spider#@~~

الله يكون في عونا وعونكو

__________________
سبحان الله وبحمده عدد خلقه ورضاء نفسه ومداد كلماته

شكرا لك رنا على هالمشاركة الحلوة
والله فتقت جروحات فينا
أصبح النجاح حلم صعب بعد جعل المعدل 60
لأن عندي عدة مواد 59 ،58 وهلم جرا
كما تفضل دكتور جواش (دق المي وهي مي)